[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! | Magarot!’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=”]
Tuesday, March 21, 2017
[/av_textblock]
[av_textblock size=” font_color=” color=”]
MAGAROT ang pungsod subong. Ini lamang bangud sang krimen ukon pagpamatay sa mga naulamid sa ilegal nga droga.
Mas magarot ang Pilipinas subong bangud mismo sang mga nagadumala sa pungsod ta. Buot silingon ang mga politiko mismo ang nagapagamo sang aton gobyerno. Ini sila ang mga tawo nga ginaamligan lamang ang ila personal nga intereses.
Pinakamainit subong ang isyu sang impeachment kontra kay President Rodrigo Duterte nga ginfile ni Magdalo party-list Rep. Gary Alejano. Nangin balasehan sini ang isyu sang extrajudicial killings, Davao Death Squad (DDS), kag madamo pa nga iban.
Pero kun basehan naton ang matabu, subong palang patay na ang ini nga kaso. Tandaan naton nga mga politiko ang magahatag sang pahanugot kun bala magapadayun tubtob sa Senado ang kaso kun sa diin tukuron ang impeachment court kag ang mga senador ang judges. Ini nga mga politiko nagaboto santo sa dikta sang partido kag agud maka-survive ang ila career sa politika. Sigurado ako indi ini maka-first base sa Kamara. Kun sa baseball pa, nagauyat pa lang sang bat, out na.
Ang masadya sini kay plano ni House Speaker Pantaleon Alvarez nga pasakaan man sang impeachment si Vice President Leni Robredo. Ang kabangdanan? Ang pagpadala ni Robredo sang video sa United Nations kun sa diin ginsaysay sini ang kapintas sang war on drugs sang pamunuan ni Duterte. Siling ni Alvarez ini nga tikang ni Robredo makabig nga betrayal of public trust. Ginpakahuy-an kag ginguba kun ni Robredo ang Pilipinas sa international community gani dapat lang sya ma-impeach.
Sa pamatyag ko kun madayun ini, masaka gid ang impeachment sa Senado. Ngaa man? Ini bangud nga wala gani isa ka gatos nga boto ang kinahanglan agud mapasar ini sa Kamara. Teh kun basehan ang numero sang kongresista nga kaalyado ni Duterte, sigurado nga wala naka-batter, home base na sila. Ang politika sang Pilipinas nasandig lamang sa numero. Bisan balingag pa sa kasuguan basta mayoriya, sigurado nga makalusot gid.
Ginaakusahan sang administrasyon ang Liberal Party nga may plano kakason sa poder si Duterte. Nagapati ang mga galamay sang palasyo nga nagahulag ang Yellowtards kontra Duterte.
Pero kun basehan ang hitabo subong, sin-o ang gusto magpahalin sa posisyon kay Robredo bilang Bise Presidente? Indi bala ang administrasyon mismo? Maathag nga luyag nila makakas si Robredo. Pero sa pamatyag ko daw maalang-alang sila sa impeachment kay daw ka obvious gid. Dako ang posibilidad nga paagyun naman ini sa protesta ni Bong-bong Marcos nga sang makaisa ginpakilala ni Duterte nga vice president sang sila nagbyahe sa China.
Kun ipaagi nila sa impeachment ang pagkakas kay Robredo, maathag nga isa ini ka power play. Pero kun sa election protest, nasandig ini sa legality.
Hay kagarot sang Pilipinas. Maathag nga ang personal nga interes ang nagapangibabaw subong. Ang administrasyon subong puno sang pagpati nga husto ang ila mga ginahimo. Indi sila makabaton sang kritisismo.
Tandaan naton nga ang administrasyon nga wala sang oposisyon kag naga-criticize sa indi maayo nga hinimuan mas makatalagam sang sa gobyerno nga may nagamartsa sa dalan. Kun may busal na ang baba sang oposisyon kag media sa pungsod, makatalagam na ini nga senaryo. Ang garot normal lang sa demokrasya. (jfranco1975@yahoo.com/PN)
[/av_textblock]
[/av_one_full]
