[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Minimum wage, hustuhan bala sa isa ka pamilya?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
Saturday, March 4, 2017
[/av_textblock]
[av_textblock size=” font_color=’custom’ color=’#0a0a0a’]
SINI NGA semana, may maayo nga balita nga nabaton ang mga mamumugon sang Kabisaya-an Nakatungdan kag isla sang Negros. Ginpaggwa sang National Wages and Productivity Commission (NWPC) Western Visayas ang Wage Order No. 23 nga nagamando sang P25 nga saka sa sweldo sang mga minimum wage earners.
Buot silingon ini nga mga empliyado amo ang nagabaton sang maximum nga P256 asta P298 kada adlaw nga sweldo santo sa Wage Order No. 22 sang nagligad nga tuig. Ini nga saka sa sweldo naga-vary pa kun diin ikaw nga sector kag kun pila ka empliyado may ara ang isa ka kumpaniya ukon employer.
Pero pila gid bala ang kinahanglanon sang isa ka empliyado agud makapangabuhi sang matawhay? Kun ikaw solo, wala ka sang pamilya nga ginasagod, pila ang imo kinahanglan agud makalampuwas sa matag-adlaw nga pagsinalayo?
Sa isa ka adlaw nagakaon ang kinaandan nga tawo sag tatlo ka beses kag may duha pa ka snacks kun may sobra. Kun sa tagsa ka kaon may ara lang sang minimum nga gasto nga P50, P150 para sa regular meals; kun nagapamahaw ka sang P30 kada snacks, may ara ka gasto nga P60. Sa kabug-usan, sa pagkaon pa lang, P230 na ang gasto.
Kun nagapamasahe pa sa pagpadulong sa opisina bisan duha lang ka sakay, ang back-and-forth magagasto ka sang P28; P230 plus P28 equals P258.
Kun wala ka na nagagasto, may P40 ka nga savings kada adlaw.
Ina gasto pa lang para sa isa ka tawo. Paano naman kun ikaw may pamilya na?
Halimbawa, sa isa ka pamilya nga may apat ka myembro, paano ini mapaigo? Kun nagabalor sang P45 ang kilo sang bugas, ang pamilya nga may apat ka myembro, sa isa ka adlaw nagatig-ang sang isa kag tunga sa kilo sa balor nga P67.50. Mag-budget lang ang pamilya sang P150 nga sud-an sa bilog nga adlaw, sa pagkaon pa lang P217.50 na.
Kun may estudyante ka nga duha ka bilog kag naga-allowance sila sang tag P50 kada isa, may galastuhan ka na nga P317.50 kada adlaw. Base sa sini nga simple computation, may kulang na nga P19.50 kada adlaw.
Kun ikaw nagapamasahe padulong sa opisina, diin ka na makuha sang idugang?
Kun may cell phone ka, diin mahalin ang imo pang-load?
Maayo lang kun pareho nga may trabaho ang mag-asawa. Pero paano kun isa lang sa ila ang may income? Ini ang kabangdanan kun ngaa ang mga minimum wage earners nagakalubong sa utang.
Kun pito kamo sa isa ka pamilya, mas malala pa gid ang kakulangan.
Isa ka maayo nga balita ang saka sa sweldo apang ini bala tuman agud masabat ang kakulangan sa mga empliyado?
Masubo nga kamatuuran apang wala ini natalupangdan sang gobyerno. Tuhay ang minimum wage sa tagsa ka rehiyon. Ini ginabase kuno sa cost of living sang tagsa ka lugar.
Mas masubo pa gid kay bisan may increase na sa minimum wage, may mga employers nga wala pa sini nagapatuman. Ini panawagan sa Department of Labor and Employment: mag-inspect man kamo sa mga establesemento komersyal agud mahibaluan kun ginatuman gid ang mga labor standards. Indi lang kamo mag-confine sa inyo opisina kag maghimo sang positibo nga report.
Hay P25, tubtob diin ka makadangat?/PN
[/av_textblock]
[/av_one_full]
