[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! | Pagbag-o magaabot sa TMTRO kag ICUPAO’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Wednesday, May 17, 2017
[/av_textblock]
[av_textblock size=” font_color=” color=”]
MAY PAGBAG-O nga matabu sa duha ka mga kontrobersyal nga talatapan sa Iloilo City Hall. Ang pagbag-o siling sang source tuman ka dako nga mas makapaayo sa serbisyo sang talatapan.
Ang mangin bag-o nga pinuno sang Transportation Management and Traffic Regulation Office (TMTRO) natumod na kag ti-on na lang ang ginahulat agud ipahamtang sya sa posisyon. Ang tawo nga ini bata-on kag ginasiling himata man sang isa ka lider sang syudad.
Samtang ang Iloilo City Urban Poor Affairs Office (ICUPAO) may manug-abot man nga bag-o nga pinuno. Ipahamtang ang isa ka regular nga empliyado kag naggikan sa isa ka-national government agency. Siling sang source, ang ini nga tawo may ikasangkol kag nagasanto man ang iya experience sa mangin katungdanan sa ICUPAO.
Pero indi anay kita magdali bangud indi pa mapatuman ang pagbag-o sang gilayun. Sa kaso sang TMTRO hulaton pa posible ang pagdihon sang Public Safety Department (PSD). Dako kuno ang dapat ligwaton sa opisina halin sa ibabaw tubtob sa mga tawo sa field ukon ang mga traffic enforcers.
Ining duha ka mga opisina amo ang makabig nga kontrobersyal nga opisina. Ang isyu sang tinamad kag kurapsyon ara gid masami nga nagatabid. Sa ICUPAO nabuyagyag ang ginatos nga indi kwalipikado ukon ginbayaan ang ila relocation. Ang malain pa kay ang iban ginabaligya ang ila rights nga isa ka dako nga paglapas sa kasuguan. Nabuyagyag man ang palusot nga pagpasulod sang mga beneficiaries nga malapit kuno kay kapitan ukon may maninoy nga buy-unan.
Ang TMTRO gin-ulan man sang isyu nga ang mga traffic aides nagabaton sang bribe. Ang iban halos wala na naga-perform sa ila katungdanan. Madamo ang nagtuhaw nga reklamo apang wala man sang nakita nga bunga ukon positibo nga resulta. Sining karon lang ginhatagan sang quota ni Mayor Jed Patrick Mabilog ang mga traffic aides sang tag-50 ka apprehensions sa tuyo nga magpangisog sila sa pagpangdakop sa mga traffic violators. Kinahanglan gid bala nga may quota ang mga traffic aides sa ila apprehensions? Indi bala nga dapat mag-perform lang sang ila katungdanan ang mga ini nga wala sang mando?
Bangud sang systemic na nga problema sa sini nga mga opisina, kinahanglan na nga ukayon ang ini nga mga opisina. Kun sa estorya pa, baliswaon paibabaw, paidalum agud ang lagdo sang katuntuhan maula kag magbukaran. Madugay na ang problema nga ini apang wala lang sang maluyag mag-ako sang kamatuuran. Ang iban abi nagapanginpulos man sa sini nga mga problema.
Kun madayun ini nga plano, siguro ini naman ang isa sa pinakahusto nga tikang sang alkalde sang syudad. Kabay pa nga mabag-o na ini nga mga opisina agud makita ang pagbag-o sa pabalay kag dalanon sang syudad.
Good luck na lang sa desisyon. Desisyon nga ginalauman makatuga sang dako nga pagbag-o. (jfranco1975@yahoo.com/PN)
[/av_textblock]
[/av_one_full]
