[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Pagbakho sang mga lokal nga mamumugon’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Thursday, May 4, 2017
[/av_textblock]
[av_textblock size=” font_color=” color=”]
NATAPOS na ang pagdumdom sang pungsod sang adlaw sang mamumugon sadtong Mayo Uno. Ano bala ang maayo nga balita nga ginpabugal sang Duterte administration pila ka adlaw antes ang Labor Day?
Wala man sang regalo para sa mga mamumugon. Sa baylo ginhatagan pa sang kaisog ni Duterte ang mga mamumugon nga maglapas sang kasuguan. Ini matapos ginpahog sang Presidente ang mga negosyante nga ipaagaw sa mga mamumugon ang ila negosyo kun indi sila magbayad sang husto nga buhis.
Kada tuig na lamang nagapinabugal lang ang gobyerno sang maayo nga programa sa mga mamumugon. Pero sa diin bala ang programa? Nabatyagan bala ini sang mga trabahador? Maathag nga wala ini sang epekto sa kabuhi sang mga mamumugon.
Suno kay Secretary Silvestre Bello III sang Department of Labor and Employment indi pa mapauntat ang contractualization ukon “endo”. Ini bangud may kasuguan man nga nagadumili apang may exemption naman nga ginahatag. Sa umpisa pa lang nahibaluan na ini sang Duterte administration pero ngaa bala sige pa nila duso ang pagtapos sang “endo”?
Madamo gid sa atun nga mga mamumugon ang naintu-an. Madamo gid sa aton ang nagpati nga may ara sang regalo ang Duterte administration sa mga mamumugon. Nagsalig gid kita apang wala man.
Para sa ano bala ang pagdumdom naton sang Labor Day kada Mayo Uno? Ini bala pagdumdom lang sang mga mamumugon apang wala man sang nadala nga kaayuhan sa publiko?
San-o pa ayhan makadala sang positibo nga bagay ang Labor Day sa mga mamumugon? San-o pa bala matapos ang paggamit sang gobyerno kag mga politiko sa pagpahamot sang ila kaugalingon? Makalolooy lang kita nga anak balhas nga ginagamit sang mga ara sa posisyon para sa ila personal nga interes.
Kun sa pribado ka nga kumpaniya nagatrabaho, halos indi ka makareklamo bisan pa nga pigado ang imo sitwasyon. Wala ka abi sang security of tenure. Bisan ano oras kun gusto ka pahalinon sang imo amo, himuan ka lang sala tigpas na ang imo li-og.
Dapat mahibaluan sang gobyerno nga malapnagon ang paglapas sang kinamatarong sang mga mamumugon. Kaangay sang wala day-off, sobra sa walo ka oras nga trabaho nga wala overtime, union busting kag madamo pa.
Samtang nagapahumot sang ila ngalan ang gobyerno sa mga overseas Filipino workers, kumusta naman ang mga local workers? Samtang ginayauban ang mga OFWs kag ginatawag nga bagong bayani, kumusta naman ang pagtrato sa mga local workers nga halos indi mabuhi sa ila sweldo? Samtang nagagasto ang gobyerno sang minilyon sa mga OFWs nga stranded, kumusta naman ang ginaabusohan nga mga local employees? Kuntani patas lang ang pagtrato sang gobyerno.
Kabay nga sa masunod nga Mayo Uno may maayo na nga madangatan ang paghimakas sang mga mamumugon. (jfranco1975@yahoo.com/PN)
[/av_textblock]
[/av_one_full]
