[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! | Plastaranay na’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=”]
Saturday, April 22, 2017
[/av_textblock]
[av_textblock size=” font_color=” color=”]
PLASTARANAY na ang mga politiko sa probinsya sang Iloilo nga luyag magabulos sa pulungkuan ni outgoing Gov. Arthur Defensor Sr.
Syempre ara ang ngalan sang junior sang gobernador nga si Toto Defensor nga tiglawas sang Tercer Distrito subong sa kongreso. Ara man si 4th District Cong. Ferj Biron nga sang makaisa ginlutos sang tigulang nga Defensor sa gubernatorial race sadtong 2013.
Halos isa ka bulan na ang nakaligad, ginbalita ang pagsapol nanday Governor Defensor, Congressmen Biron, Defensor, Raul Tupas (5th District) kag Arcadio Gorriceta (2nd District). Sa sinapol ginpahayag nga ginhambalan ang mangin kandidato sang grupo sa pagkagobernador sa 2019. Defensor bala ukon Biron?
Sa interview kay Biron ginpahayag niya nga nasandig ang mangin kandidato sang grupo sa pagkagobernador sa mangin desisyon sang mga alkalde sa lima ka distrito sang probinsya. Ang pamangkot, makadesisyon gid ayhan ang mga alkalde santo sa ila kunsensya ukon depende kun ano ang makuha nila?
By the way, sa meeting gale wala si 1st District congressman Richard Garin, isa man sa nagahandum nga mangin gobernador sang probinsya.
Kun isa-isahon ta ang kada distrito sa subong ang 1st District ihatag ta ina sa mga Garins kay halin sang una higot nila ang taga primier distrito.
Ang Segundo Distrito ihatag naton kay Defensor base sa closeness sang mga Gorricetas sa ila.
Ang Tercer Distrito wala na duda Defensor ang mga alkalde dira.
Ang 4th District sigurado nga Biron.
Ano ang matabu sa 5th District? Sin-o ang suportahan sang mga Tupas? Sang 2013 election, ang Quinto iya sang mga Defensor. Masulit ayhan ini subong?
Ugaling may mga history man nga bisan higot sang kongresista ang ila distrito, tuhay man ang desisyon sang mga bumuloto…ini bala posible matabu man sang mga alkalde?
Ang eleksyon, nasandig ini sa idlak sang kwarta…kay ini kanya-kanya nga survival sa ila kontra. Ang loyalty ukon katampad, pinakaulihi na sa listahan. Wala sang politiko sa Pilipinas nga nagapabilin sa manuglugdang na nga barko. Tanan madasig maglumpat sa bag-o nga partido.
Ihalimbawa lang ang PDP-Laban nga sang nagpadalagan si President Duterte pila lang ang ila kaalyado, apang sang nagdaug na ang Davao mayor, tanan halos gusto na mangin PDP-Laban. Bangud sini dako man ang posibilidad nga kun magsawsaw na sang iya tudlo sa politika sa Iloilo may magabag-o pa nga senaryo.
Diri gani sa syudad ginapanipon na ni Cong. Jerry Treñas ang mga konsehal sa PDP-Laban. Maathag nga gusto man niya magplastar na.
Samtang ginahulat ang pagtusmog ni Duterta, mansig palstaranay na sila! (jfranco1975@yahoo.com/PN)
[/av_textblock]
[/av_one_full]
