[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS! | Plastic, indi na pwede sa syudad sang Iloilo’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Wednesday, May 31, 2017
[/av_textblock]
[av_textblock size=” font_color=” color=”]
PLASTIC ka bala? Pwes, itsapwere ka na sa dakbanwa sang Iloilo. Indi ini sa mga plastic nga tawo ha? Ini para sa plastic nga ginagamit putos ukon sulodlan sang mga balaligya ukon balaklon sa mga tindahan kag merkado sa syudad.
Suno sa Regulation Ordinance No. 2013-403 ukon ang “No Plastic Ordinance” nga gin-author ni anay City Councilor Lex Tupas, indi gid pwede ang mga plastic nga may uluyatan ukon sando bag nga makabig one time use lang ukon makaisa lang gamiton. May exemption man ini bangud pwede naman maggamit ang mga magagmay nga transparent nga plastic nga ginasudlan sang patis, langgaw, matika kag iban pa nga basa nga gina-retail.
Sakop sang ordinansa ang tanan nga mga sari-sari stores, market vendors, mga bolantero, supermarkets, department stores / malls, groceries ukon restaurants, canteens, fast-food chains, bakeries, coffee shops, hotels, catering services kag iban pa nga pareho sang establishments nga naga-operate sa sakop sang syudad.
Ang magalapas may nagakaigo nga multa nga amo ang mga masunod:
* 1st offense – P500 kag confiscation sang non-biodegradable plastics
* 2nd offense – P700, confiscation sang non-biodegradable plastic bags, kag suspension sang business permit sang isa ka semana
* 3rd offense – P1,000, confiscation sang plastic bags kag cancellation sang business permit
Madamo sang mga nagareklamo nga kuno wala sila napahibalo. Kulang gid kuno ang pagpahibalo sa ila sang gobyerno. Ay abaw, ang ordinansa ginpatuman halin pa sang 2014. Ang pagpatuman amat-amat lang gani may once a week nag-twice a week asta nga bug-os na gid nga semana subong nga 2017. May transisyon nga ginpatuman ang syudad antes ini ginpatuman. Gani indi makasiling ang publiko nga wala sila nakahibalo.
Ang problema abi sa aton kay mahilig lang kita sa pahapos. Gusto natun indi na matublag ang aton comfort zone bisan pa nga ini makapalain sa iban kag sa aton palibot. Sa simple nga pulong, gusto naton luwason lang ang kaugalingon. Mas gustuhon ta nga magpahapos bisan pa nga nagaantos ang iban.
Ining plastic ordinance tuman ka importante para sa isa ka syudad nga nagasanyog. Kinahanglan ini agud ma-regulate ang paggamit sang plastic. Ang plastic isa sa pinakadako nga hazard sa palibot. Nagapanguna nga kabangdanan sang pagsupon sang mga canal nga nagaresulta sa pagbaha.
Tion na nga suportahan naton ini nga ordinansa para sa atun mga kabataan kag ulihing tubo. Medyo masapnot sa umpisa apang kun maanad na, matalunsay na lamang ini. Ugalion na naton nga mag-recycle sang mga plastic nga ginagamit. Indi lang basta basta nga ihaboy bisan diin lang.
Ang kadalag-an sini nasandig sa atun pagbinuligay. Kun nagmadinalag-on ang banwa sang Santa Barbara, Iloilo wala sang kabangdanan nga indi kita magmadinalag-on. Tandaan, sa Hulyo 1 na. (jfranco1975@yahoo.com/PN)
[/av_textblock]
[/av_one_full]
