[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! | Sa diin na si Richard Prevendido?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Saturday, June 24, 2017
[/av_textblock]
[av_textblock size=” font_color=” color=”]
KAANGAY lang nga nagapangita sang dagum sa dagami. Ini ang paglaragway sang kabudlay sa pagpangita sa No. 1 Philippine Drug Enforcement Agency (PDEA)-identified suspected drug lord Richard Prevendido.
Sa malawig na nga panahon, hilway sya sa gihapon sa paglagaw-lagaw. Bisan ang mga otoridad daw blangko man sa ginahamtangan ni Prevendido. Ini nagduso na sa gobyerno nga magpain sang kabilugan nga P1,050,000 agud ipatong sa ulo ni Prevendido. Sa pihak sini, wala sya sa gihapon nadakpan.
Sa diin na sya bala subong?
Sa mga nakaligad nga estorya, ginaalegar nga may nagatago kay Prevendido nga opisyal sang pulis. Sang ulihi pati ang New People’s Army gin-akusahan na sa pagtago sa No. 1 drug personality.
Apang ang pinakamakakilibot subong amo ang report nga rugto (didto) sa Antique si Prevendido, nagapakuno-kuno ini nga Ati. Malaba ang buhok kag medyo libat ang mata. Ini santo sa intel report sang kapulisan.
Ginsiling pa nga nakabisita sya sa rest house sang PDEA agent nga si Macario Grasparil sa Sibalom, Antique.
Si Grasparil ang PDEA agent nga napatay sa buy-bust operation sang Sibalom police. Makakilibot nga balita bangud ang kuntani amo ang magaayam kay Prevendido amo pa ang ginaalegar nagasapopo sa iya.
Ngaa bala nga kabudlay gid kay Prevendido lagson kag dakpon? Ngaa bala nga mabudlay gid sya tultulon? Ini bangud nga sigurado kita nga nagahulag ang kwarta. Kwarta ang nagadikta sa utok sang iban. Paminsaron mo kun paano nga maka-supply sang ilegal nga droga si Prevendido kay Grasparil kag sa iban pa nga mga pushers? Indi ini mahimo ni Prevendido kun wala sya sang protector.
Pero sin-o bala ang iya tag-amlig? Ang atun mahimo amo na lang ang paghaum-haum. Kun sa pulong pa sang mga social media people, assuming lang.
Sigurado may nagatago kay Prevendido. Indi lamang ordinary kundi sigurado nga may posisyon sa gobyerno ukon poderoso sa komunidad gani indi malagas si Prevendido. Ti-on na nga makigbahin sa paglagas sa iya ang komunidad. Dapat ireport gilayun sa otoridad kun may kaanggid sa hitsura sang wanted.
Mentras ara sa komunidad ang mga durogista, wala sang kasiguraduhan ang aton kaluwasan. (jfranco1975@yahoo.com/PN)
[/av_textblock]
[/av_one_full]
