[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Pawnshop ginhold-ap sa Leganes’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nataban gid sang hold-aper ang P120,000 nga koleksyon sang isa ka pawnshop sa Dalan Poblacion, Leganes, Iloilo kahapon sang aga.
Sa interbyu sang mga katapo sang media kay PO2 Leo Barnuevo, imbestigador sang Leganes PNP, naga-isahanon lang ang kahera nga si Ruby Erecillo, 24, sang ginsulod sang isa ka lalaki ang gina-obrahan sini nga pawnshop.
Wala man gintayaan sang pusil sang hold-aper nga nakasuksok sang long sleeve nga itom, may tabon ang itsura kag naka-itom nga pantalon ang biktima kundi ginpakita lamang sini ang pusil kag nagdeklarar sang hold-ap.
Matapos makuha sang hold-aper ang P120,000 nga kwarta, madasig ini nga nagpalagyo.
Natukiban man nga wala sang gwardiya ang pawnshop rason nga mahapos nga nabiktima sang hold-aper.
Samtang ginsulat ining balita, ginatun-an na sang Leganes PNP ang kuha sang closed-circuit television camera sang pawnshop./PB
[/av_textblock]
[/av_one_full]
