[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PCG-Iloilo mabutang assistance desks umpisa Enero 21′ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 16, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Mabutang ang Philippine Coast Guard (PCG)-Iloilo sang assistance desks sa mga puerto umpisa Enero 21 para magbaton sang reklamo ukon magbulig sa mga pasahero nga magasaksi sang maduagon nga pagselebrar sang ika-50 ka tuig sang Dinagyang Festival.
Magalawig ang mga assistance desks tubtob Enero 28 sang gab-i para magiyahan man ang mga pasahero nga magpauli sa ila tagsa-tagsa ka mga lugar matapos magtan-aw sang duha ka adlaw nga highlight sang 2018 Dinagyang Festival sa Enero 27 tubtob 28.
Sunu kay Lt. Ramil Palabrica, commander sang PCG-Iloilo, kabahin lang sang ila preparasyon ang pagbutang sang mga assistance desks. Mapalapta man sila sang isa ka DF-7 boat, duha ka aluminum boats kag isa ka rubber boat para magresponder sa ano man nga insidente sa tunga sang kalalawran sang Syudad sang Iloilo kag Gumairas subongman Syudad sang Bacolod.
Mapalapta man si Palabrica sang 30 ka mga tinawo sa nagkalain-lain nga mga puerto para magsekyar sa mga sakayan nga nagabiyahe para malikawan ang sobra nga karga kag pagpamentaha sang iban nga mga persona sa pagdagsa sang mga pasahero diri.
Siguruhon man nila nga masekyar ang mga bagahe sang mga pasahero para indi makalusot ang ilegal nga droga kag ano man nga hinganiban.
Luwas sina, magalibot man ang K9 unit sang PCG-iloilo para magbulig sa pag-inspeksyon.
Katungdanan man sang PCG-Iloilo ang pagbantay sa seguridad sang mga tawo nga magatambong sang fluvial procession sang San Jose Parish sang replica sang Santo Niño de Cebu sa Iloilo River sa Enero 26.
Masugod ang prusisyon sa Fort San Pedro padulong sa building sang Bureau of Customs sa Dalan Muelle Loney./PB
[/av_textblock]
[/av_one_full]