[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Peke nga pari arestado’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Gin-aresto ang lalaki nga nagpakilala nga pari sa distrito sang La Paz sang nagligad nga Sabado.
Sandig sa report sang La Paz PNP, modus ni Eljun John Lumbo sang Purok 20, Calachuchi Bukana, Syudad sang Davao, nga magpakilala nga pari kag magtanyag sang misa pero nagapanukot ini sang mahal.
Nagasuksok man ini sang sutana, stoola kag nagadala sang bibliya rason nga masal-an gid nga pari.
Nahibaluan nga una nga nag-abot sa syudad si Lumbo paagi sa wala ginhingadlan nga police officer 2 nga assign sa Iloilo City Police Office.
Sa alegasyon sang pulis nga babae, nakilala niya sa social media ang nagpakilala pari kag naghapit lamang ini sa Iloilo halin sa Manila rason nga iya man ginbuligan nga may ma-istaran nga balay.
Dugang pa sang pulis, ginhatagan niya ang pari sang kwarta pero nagpamilit ini nga mag-gamit sang iya motorsiklo kag ginakuha man sini ang iya nga cellphone.
Pag-abot sang Sabado, ginbawi sang pulis ang iya cellphone sa pari apang nagpamalibad ini nga ihatag rason nga gin-agaw niya nga gintunaan sang ila away.
Ginapasuni pa sang pulis nga nagkuha sang pusil ang pari kag gintuyo nga ipa-um-om sa iya apang nakalikaw sia. Ginsumbag sia dayon kag gintampa sang pari antes ini nagdalagan rason nga iya ginlagas para madakop kag gindala sa La Paz PNP.
Sang gin-interbyu naman sang mga katapo sang media si Lumbo kon ngaa nakalab-ot sia sa syudad, wala ini nagasabat. Sa baylo, nagpakilala sia nga miembro sang Brazilian Missionary kag madamo man sang mga IDs nga nakuha sa iya./PB
[/av_textblock]
[/av_one_full][av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Durogista gintiro sang Pulis’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Patay ang isa sa duha ka high-value targets sa pagduso sang ilegal nga droga kag subjects sa warrant of arrest para sa kaso nga two counts of murder sa operasyon sang Criminal Investigation and Detection Group (CIDG) 6 sa Barangay Ticud, La Paz alas-3:34 sang hapon kahapon. Gindeklarar nga dead-on-arrival sa West Visayas Medical Center si Aslani Ansari alyas Boy nga nakaagom sang pilas sa lawas. Na-aresto naman ang upod sini nga si Alex Mapandi alyas Angari/Agie, 31. Sandig sa report halin kay Senior Supt. Marlon Tayaba, hepe sang CIDG-6, upod ang mga katapo sang Special Weapons And Tactics kag Iloilo City Police Office, plano nila nga i-serbe ang warrant of arrest para sa kaso nga two counts of murder kontra sa duha sang nagluntad ang insidente. Ginapasuni nga nagbatu si Ansari paagi sa pagtiro sa isa sa mga katapo sang CIDG-6 rason nga na-puersa ang mga otoridad nga magbalos kabangdanan sang iya kamatayon. Narekober naman sa paghinakop sang duha ang duha ka mga pusil kag pila ka plastic sachets sang ginapatihan shabu. Sa interbyu naman sang mga katapo sang media kay Senior Insp. Rey Sumagaysay, hepe sang La Paz PNP, sanday Ansari kag Mapandi ang ginatudlo mga suspek sa pagpatay paagi sa pagsunog sa isa ka Muslim nga nasapwan nga naputos sa plastic sa circumferential road sa Brgy. Balabago, Jaro sang tinalikdan nga bulan./H
[/av_textblock]
[/av_one_full]
