[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS!’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Tuesday, October 10, 2017
[/av_textblock]
[av_textblock size=’18’ font_color=” color=”]
WALA lang sang ideya ang kadam-an pero subong nga panahon poderoso na gid ang mga kapitan. Ngaa nakasiling kita nga poderoso ang mga kapitan?
Una, madugay man ang tyempo antes na pwersa ang mga kapitan sang barangay nga mag-submit sang ila report sa presensya sang mga drug personalities sa ila barangay. Bisan pa nga may memorandum gikan sa Department of Interior and Local Government (DILG), nagpabungol lang ang mga kapitan kag wala naga-submit. Kun may nag-submit man sang una compliance lang apang wala sang substance ang ila report.
Ikaduha, sang ginapa-submit sila sang report para sa drug-free barangays, sige lang ka paatras ang deadline bangud wala sang may naga-submit sa ila. Kun may naga-submit man, indi mahangpan ang report. Kinahanglan pa ni Mayor Jed Patrick Mabilog nga manaog sa barangay agud magkampanya nga mag-submit na sang ila report.
Ikatatlo, tyempo sang election, sila ang ginasandigan sang mga politiko. Sa ila nagadalagan agud kuno masiguro ang kadalag-an sa barangay apang sa matuod lang kwarta ang dangatan sang sugilanon.
Ikaapat, poderoso gid ang mga kapitan bisan sa pagdumala sang plaza. Halimbawa diri ang nagakatabu sa Jaro Plaza sa tagsa ka tuig nga ginadumalahan sang mga kapitan ang trade fair sa sulod sang plaza.
Samtang may Liga nga amo ang nagapanguna sa pagdumala, may ara naman sang iban nga kapitan nga nagahimo sang kamala-malahan sa plaza.
Sin-o bala ang naghatag kaisog sa mga manugbaligya nga magplastar sa plaza? Husto ang ginsiling ni City Environment and Natural Resources Officer Engr. Noel Hechanova nga nasapawan na sang mga kapitan ang poder sang CENRO sa mga plaza. Maathag nga sila ang nagakumpas kun ano ang dapat matabu sa plaza.
Kag ikalima, poderoso ang mga kapitan bangud may ginasaligan. Sin-o ang ila ginasaligan?
Sa meeting pa lang ni Acting City Mayor Jose Espinosa III sa isyu sang trade fair sa Jaro Plaza subong nga bulan, klaro na nga may nagaamlig sa mga kapitan. Man sang nagaduso si Hechanova nga buhinan ang poder sang mga kapitan, ginliso ni Espinosa ang estorya. Kag bisan sa interview sang media, indi sia magpati nga may kapitan nga nagaentra.
Hay, poderoso gid si Kap kay sila kuno ang makadikta sang kapalaran sag politiko sa ila barangay. Tyempo naman guro nga utdon na sang city government ang pagsagsag sang batasan sang mga kapitan. Ang batasan bala nga daw invincible sila. Ini bala nga daw indi madutlan sang bala komo nagauyat sang renda sang ila barangay.
Hay Kap, poderoso ka gid! (jpranco1975@gmail.com/PN)
[/av_textblock]
[/av_one_full]
