[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Problema sang diborsyado’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
NI WENCESLAO “MATT” E. MATEO JR.
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Wednesday, March 21, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
GABASKUG nga gabaskug ang pagtulod sang hagna nga nagapatuman sang kasuguan sa diborsyo (Absolute Divorce) sa Pilipinas.
Kon matabo, ang mabilin na lang nga wala nagapahanugot sang diborsyo amo ang Vatican City, sa diin nagapuyo ang Papa sang Roma bilang pinuno sang Simbahan Katolika.
Sugod nga gin duso ining hagna sa Kamara (House of Representatives) sadtong 2005 tubtub sining ulihi lang, ining hagna wala gid makatapak sa Second Reading. Sa amo man nga tinion, ang survey naglab-ot lang sa mga 43 ka porsyento sang pumuluyo nga sugot sini.
Sang sinilang, ang survey nagdangat na sa sobra 60 ka porsyento sang pumuluyo nga sugot sa diborsyo nga katulad sang yara sa Estados Unidos kag iban pa nga pungsod, lakip ang tanan nga pungsod nga Katoliko.
Ining hagna napasar na sa karon sa Second Reading, kag sandig sa praktis sang Kamara laban-laban nga mapasar na ini sa Third and Final Reading kag ipasa na sa Senado agud aktuhan sining ulihi.
Tungod sini, madamo na ang nagapati nga mapasar gid ang kasuguan sa diborsyo sa Pilipinas.
Ining hagna sang Kamara gin-aprubahan sa idalom sang House Bill (HB) No. 7303 nga gin hingadlan “An Act Instituting Absolute Divorce and Dissolution of Marriage in the Philippines.”
Ang pamat-ud na gid lang sang Senado kag ang pirma sang Presidente ang kulang. Daw supak ang Senado, apang ini sila mga pulitiko kag tungod gina-elejer sila sang mga pumuluyo possible sila magbaylo sang pensar kay wala man gina-prohibir sining hagna ang kaundan sang daan nga kasuguan sa Legal Separation kag Anullment nga suportado sang Simbahan.
Gapati man kita nga suportado man ining hagna ni Presidente Duterte tungod naka-benepisyo man siya sa pagbulag niya sa una niya nga asawa.
Sa ngalan sang pulitika, ugaling, gapati kita nga mas gustuhon ni Presidente nga mangin neutral na lang siya, sa posibilidad nga kontrahon ini sang Senado nga makapahuyang sang iya impluwensya.
In fact, ang hagna ginaduso mismo sang madamo nga Katoliko nga yara mismo sa Kamara nga indi na kinahanglan buligan itulod sang mga Protestante (Evangelicals) nga Kristiyano kag mga Muslim nga nagapati sa diborsyo.
Sa aton pa, sa isa kapulong, ara ang tanan nga kahigayunan agud magbulagay ang mag-asawa sunu sa luyag nila nga matabo, nga ginapahapos pa gid sang sining hagna, samtang may option man ang Simbahan sa iya luyag matabo sa kasuguan.
Of course, indi gid kita kapihu sang mangin tindug sang Senado. Basi panginpatyan ini sang mga senador nga puro-puro ang pagka-Katoliko kag “come what may” botohan nila kontra ining hagna agud indi naman matigayon.
***
Samtang, kon madayon gid man nga mangin-kasuguan ang diborsyo, ano ang mangin epekto sini sa mag-asawa kag mga kabataan?
Ang aton hangop sini amo nga wala sing epekto ang kasal sibil sa pagsulundan sang Simbahan agud kaslon sa simbahan ang diborsyado sa iban, kay ang ginakilala lang nga kasal sini amo ang kasal sa simbahan.
In other words, ang nag-diborsyo sa kasal nga sibil puede makapakasal sa Simbahan sa lain nga babaye ukon lalake nga may bendisyon sini.
Ang parti naman sa mga Katoliko nga diborsyado, ang Simbahan ugaling wala gakilala sang ila liwat nga pagpangasawa sa iban. Para sa Simbahan, ang pagpakasal liwat sa iban, luas sa ginapatuman sa Annulment, isa ka sala nga adulteryo (adultery) nga indi mapahanugutan sang Simbahan.
Tungod sina, ang mga kabataan sang mga diborsyado sa iban masiling nga “illegitimate”, kag matawag gani nga mga bastardo. Tungod pa gid sini, mapilitan na lang seguro sa pagsulod sa iban nga relihiyon ang luyag magpakasal sa iban agud ma-legitimize ang ila kasal kag ang ila mga kabataan.
Ang luyag magpabilin sapag-praktis bilang Katoliko samtang diborsyado apang padayon nga nagalaum sa dugang nga paghangop sang Simbahan, nga padayon man nagatuon sang sitwasyon, indi pa ugaling mapahanugutan nga mag-komunyon.
Requisito sang komunyon ang anay mahinulsulan mo kag pangayuan sing kapatawaran ang imo mga sala bag-o ka mapahunugutan mag-komunyon.
Ang diborsyado, dugang ko,nagapabilin gali nga Katoliko tungod ang bunyag “permanent seal” sang pagtuo, labi na gid pagkatapos sang “confirmation.” In other words, bisan mag-ilis ka pa relihiyon sakop ka gihapon sang Simbahan Katolika tubtub sa imo kamatayon. (w_mateojr@yahoo.com/PN)
[/av_textblock]
[/av_one_full]
