[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Pulis, ginhurikap sang agi ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Gin-aresto sang police officer 1 (PO1) ang iya abyan nga agi matapos nga ginaalegar nga ginmolestyahan sia kag ginlaslasan sang cutter sa dughan samtang yara sila nga duha sa sulod sang Anita Lodge sa Barangay McArthur, distrito sang La Paz alas-10 sang Huwebes sang gab-i.
Base sa alegasyon sang pulis nga ginhinago lang kay Joe, 32, kasado kag residente sang Brgy. Lopez Jaena, La Paz, nagahigda sila sa isa ka kwarto sa lodge sang abyan niya nga si Edwin Pineda, 29, residente sang Villa Hermosa Subdivision, Brgy. Baldoza, La Paz, matapos nga nag-inom-inom. Sang hinali lang, sunu kay Joe nga gintandog sang agi ang pribado nga parte sang iya lawas kadungan sang tuyo nga pag-uba sang iya pantalon rason nga gintiklod niya ini.
Pero imbes nga mag-untat, gina-alegar sang pulis nga nagkuha pa sang cutter ang agi kag ginlaslasan ang iya dughan.
Bangod sini, nagdesisyon ang pulis nga arestuhon si Pineda pero nagdumogay pa sila tubtob nga natigayon sini nga maagaw ang cutter.
Sang ulihi natukiban pa sang pulis nga may ginahuptan nga isa ka plastic sachet sang ginapasuni shabu kag aluminum foil si Pineda rason nga gindala na dayon sini sa La Paz PNP.
Sa interbyu naman sang Panay Balita sa arestado, ginpanginwala sini nga ginhurikap niya ang pulis sa paghambal nga una sia nga ginhagad sini nga magsulod sa lodge.
“Family friend namon sia. Kababata. Related gid kami eh. Never in my wildest dream nga himuon ko to sa iya. Sia ang una nga naghagad,” siling ni Pineda.
Ginapanginwala man sini nga sia ang nagapanag-iya sang nakuha nga ginapasuni shabu kadungan sa paghangkat sa pulis nga magpaidalom sila sa drug test para mabal-an kon sin-o ang nagagamit sang ilegal nga droga.
“Pamatud-an nga indi sa akon ang kustilyo, ang drugs nga ginbutang ya. Ako ma-file ko to ma-clear out man ang name ko. Way gid ako naga-gamit. I’m willing to pay sa amon drug test. Kay feeling ko naka-drugs sia,” dugang ni Pineda nga priso na sa karsel sang La Paz PNP./PB
[/av_textblock]
[/av_one_full]