[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS! ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Tuesday, October 17, 2017
[/av_textblock]
[av_textblock size=’18’ font_color=” color=”]
“A revolution is not something that a President can just declare, or that people can pressure him to proclaim. Revolutions are not made. They just come when the conditions are ripe, and these are not things that can be intentionally willed, or could come from a single trigger that can be artificially crafted.” – Antonio P. Contreras
“ANG REBOLUSYON indi isa ka bagay nga mahimo ideklarar lang sang president ukon ipilit sa iya sang mga tawo nga iproklamar. Ang mga rebolusyon wala ginahimo. Nagabot lang ang mga ini kuno husto na ang panahon kag indi ini mga bagay nga hungod nga ginagusto ukon nagahalin sa nagaisahanon nga kabangdanan kag idihon sang artipisyal lamang.”
Ini nga mga tinaga sa pulong nga Ingles ginhulam ko lang sa sinulatan ni Antonio P. Contreras, isa ka kolumnista kag ginakilala nga political scientist. Kabahin ini nga linya sang iya kolumn nga nabalhag sa The Manila Times nga may tig-ulo, “What revolutionary government?”
Sa sini nga mga tinaga napukaw ang akun duna nga “curiosity” sa mga ginapangbuy-an nga pahayag ni President Rodrigo Duterte. Kun ini bala nga iya pinakaulihi nga pahayag, maid-id nga gintun-an ukon bunga lamang sang iya kinaandan nga ginahimo sadtong alkalde pa sia sang Davao nga tanan nga ibungat sang iya baba, ginatuman.
Sa akun pagpanalawsaw kag pagbasa sang mga maragtas nabasahan ko kun paano natabu ang revolutionary government ni anay President Corazon C. Aquino. Natabu ini matapos ang malawig nga hitabu sa pungsod. Nagsugod sa mga pagpang-abuso sang reheming Ferdinand Marcos kaupod na sang iya pamilya tubtob nga nagdeklarar sia sang martial law. Ang tanan nga hitabu nagserbe nga triggers sang revolutionary government. Partikular na diri ang kamatayun ni Sen. Benigno Aquino Jr. Tanan nga sitwasyon ara nga masiling panakot para sa pagtukod sang isa ka revolutionary government.
Sa bahin ni Duterte sia ang president. Sia ang nagauyat sang renda sang pungsod. Pwede ayhan sia makadeklarar sang revolutionary government? Indi bala sa history ang nagadeklarar sang revolutionary government yadtong mga oposisyon nga nagakontra sa gobyerno nga nagtingub kag sang napukan ang pamunuan, nagtukod sila sang ila gobyerno?
Karon, pwede bala makadeklarar sang revolutionary government si Duterte? Pwede bala sia makarebelde sa iya mismo pangginahom?
Daw ka balingag haw? Imo gobyerno, kontrolado mo ang renda, pukanon mo kag magdeklarar sang rebolusyon para makatukod sang panibag-o nga gobyerno?
Sa mga nagahakab-hakab nga nalipay kun may rebolusyon, ay dapat kamo makibang. Tandaan nyo ang mga revolutionary governments sa iban nga pungsod nangin mapintas. Sobra pa sa martial law ang natabu. Maayo pa ang martial law kay may functioning Congress kag judiciary pa. Kun revolutionary, pwede madeklarar sang presidente nga bakante ang tanan nga opisina kag mahimo sia makadihon sang iya mga decrees nga nagasanto sa iya kapritso.
Wala kita nagasiling nga mangin mapintas ang Duterte administration kun mangin revolutionary government na ini. Ang punto lang diri kun nangin mapintas ang away sa ilegal nga droga nga may kasuguan pa, paano na lang kun ang tanan nga kasuguan naggikan na sa lider sang gobyerno kay bakante na ang tanan?
Kuntani sa baylo nga magkalipay kamo sa sini nga pahayag, dapat kamo magkakibang. Kun napinsaran sang atun President ang mga bagay nga wala sa husto nga direction nga may ara pa kita sang konstitusyon, paano na lang kun sia ang nagaisahanon nga decision-maker?
Suportado naton ang kawsa sang President. Basta nagasunod lang sa kasuguan. Sa pagkamatuod indi ko ma-imagine ang pungsod matapos ang termino ni Duterte. Akuon natun si Duterte lang ang may kaisog sa pag-away sang ilegal nga droga. Ugaling may pinilian lang. Tani patas, bisan nakasapatos ukon nakatsinelas ginalagas. (jpranco1975@gmail.com/PN)
[/av_textblock]
[/av_one_full]
