[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’SAF official napilasan sa engkwentro ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Napilasan ang opisyal sang Special Action Force (SAF) sang Philippine National Police (PNP) sang maka-engkwentro sila sang kapin 30 ka armado nga ginapasuni mga katapo sang New People’s Army (NPA) sa Sitio Tigmaya, Brgy. Gatuslao, Candoni, Negros Occidental mga alas-8:50 sang Sabado sang aga.
Sunu kay Senior Inspector Jaynick Bermudez, hepe sang Candoni PNP, ang napilasan nakilala nga si Inspector Jose Buscato.
Sandig naman sa pahayag ni Captain Roel Lianez, yara na subong sa maayo nga kahimtangan ang opisyal sang SAF.
Gindugang niya nga ang tropa sang SAF nakasumalang sang mga armado kag nagluntad ang pagbaylohanay sang luthang. Sang nagpuas ang linukpanay, duha ka malagba nga kalibre sang mga pusil ang ila nakuha.
Nagapati man sia nga may napilasan ukon napatay sa ginapasuni mga NPA bangod nakita ang tinulo sang dugo sa ila gin-agyan sa pagpalagyo.
Sunu pa kay Lianez nga may plano ang mga NPA nga sudlon ang Candoni PNP sang nasumalang ang mga ini sang SAF.
Samtang ginasulat ini nga balita, padayun pa ang operasyon sang mga PNP-SAF kag mga soldado sang Philippine Army kontra sa mga rebelde./PB
[/av_textblock]
[/av_one_full]
