[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Sakayan nagkapan, 10 ka sakay naluwas’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Naluwas sang Philippine Coast Guard (PCG) – Concepcion kag Provincial Bantay Dagat ang 10 ka mga persona nga sakay sang nagkapan nga sakayan sa kalalawran sang Brgy. Salvacion kag mga isla sang Igbon kag Malangaban sa Concepcion, Iloilo alas-12:45 sang hapon sang Miyerkoles.
Sandig sa report sang PCG-Iloilo, ginpahibalo ni Rolen Derio, miembro sang Concepcion Municipal Disaster Risk Management Council ang PCG – Concepcion nga nagkapan ang “FB/Mary Ann” nga ginapanag-iyahan ni Lucio Boyles sang Brgy. Talotoan, Concepcion.
Madasig naman nga nagresponder ang Deployable Response Team sang PCG – Concepcion upod ang Manaphag Quick Response Team kag Provincial Bantay Dagat para sa search and rescue operation sakay sa motor banca.
Takna ala-una na sang hapon sang nakaabot ang team sa lugar kag nakit-an nila ang 10 ka mga biktima nga nagatinguha nga makalangoy pakadto sa ila sakayan nga amat-amat na nga ginsudlan sang tubig.
Na-rescue ang 10 ka mga persona kag ginsaylo sa sakayan sang Bantay Dagat samtang ang ila sakayan ginbutong pa-higad sang baybay sa Brgy. Loong.
Ang mga naluwas amo sanday:
1.Lucio Boyles Sr., 65, sang Brgy. Talotoan, Concepcion
2.Rene Lugasan 50, sang Brgy. Talotoan, Concepcion
3. Jesus Onyate, 70, sang Poblacion, Concepcion
4. Rodel Subreyu, 34, sang Poblacion, Concepcion
5. Romeo Boyles 33, sang Talotoan, Concepcion
6. Ramon Mahusay, 48, sang Brgy. Talotoan, Concepcion
7. Benson Mahusay, 22, sang Brgy. Talotoan, Concepcion
8. Rocky Estrelles, 30, sang Brgy. Talotoan, Concepcion
9. Lucio Boyles Jr, 34, sang Brgy. Talotoan, Concepcion; kag
10. Dencio Arellano, 38, Talotoan, Concepcion.
Nag-gwa sa imbestigasyon nga alas-11:30 sang aga sang nagbiya ang fishing banca karga ang 10 ka mga persona sa Brgy. Salvacion para magkadto sa Concepcion Fishing Port, Concepcion, Iloilo.
Samtang nagabiyahe, gulpi nga nagsalakay ang dalagku nga mga balud kag mabaskug nga hangin rason nga nabuslot ang port side hull sang sakayan nga nagresulta sa ila pagkapan./PB
[/av_textblock]
[/av_one_full]
