[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’SALAMAT SA KAHIGAYUNAN’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Roberto ‘Bert’ Ladera
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Monday, February 26, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Magalipas apang indi mapanas ang mga bagay sa sini nga kalibutan ilabi na ang napagkit na sa paminsaron kag balatyagon.
Nagsugod nga nagapang-alang-alang, nagpanglubaybay, tubtub nga naandan na ang matag-adlaw nga sinarayo kag nahatagan sang kahulugan ang katuyuan sa pagsulat sang artikulo.
Nangin mabudlay sa una bangod sa pagplastar sang tinion nga mahatagan sang akomodasyon kag prayoridad ang pagsulat sang artikulo kag kon kaisa nabutang sa alang-alang bangod dyutayan lang nga malipatan kag indi manegar nga may higayon nga indi madumduman.
Madamo sang mga bagay nga ginadumdom ilabi na kon ano ang mangin topiko ukon kaundan sang artikulo. Kon paano mapalab-ot sa atensyon sang mga natungdan nga ahensya sang gobyerno ang mga bagay nga dapat nila talupangdon. Kon paano mapamuklat ang mata sang mga nagadumala nga sayop ang ila ginapatuman nga mga polisa kag kon paano ini tadlungon agud nga wala sang may mabutang sa indi maayo nga sitwasyon.
Sa tagsa ka paglabay sa dalan, kon mamutikan nga may dapat nga ipalab-ot sa natungdan nga ahensya sang gobyerno, kon may mga bagay nga wala ginahatagan sang atensyon sang gobyerno, gilayon nga ginapasad ang mga punto agud nga makadihon sang artikulo kag mapalab-ot ang ini nga mga sitwasyon sa natungdan.
Nag-umpisa sadtong bulan sang Pebrero sang nagligad nga tuig kag kapin na sa isa ka tuig ang pagbalhag sang sini nga sinulatan sa inyo paborito nga pamantalaan, ang Panay balita.
Kapin isa ka tuig kita nga nag-updanay, madamo kita sang mga topiko nga natalakay. Natandog naton ang mga isyu sa pulitika, sa mga polisiya nga ginapatuman kag mga bagay nga dapat imprubahon.
Kabahin man sa mga topiko naton ang mga ideolohiya, ang pag-amlig sa palibot, ang mga adbokasiya kag mga topiko nga mahimo makatandog sa pang-ino-ino sang kada isa.
May nasakitan, may nagbatyag sang aton panindugan, may wala naluyag sa aton sentimento kag may nalipay sa aton ginplastar nga punto.
Kahibalo kita nga nagabasa lang ang iban nga nagayuhum, may nagabasa nga naga-ugtom, may yara sang nagasupak, may yara man sang nagapalakpak. Tuhay ang reaksyon nga aton maagom, depende sa ila paglantaw sa aton ginaduso nga punto kag argumento.
Sa pihak sini tanan, nagtayuyon ang pagsulat tubtub nga sini nga higayon kita ang nakadangat.
Apisar sang masaku nga panahon, sang madamo nga mga tulumanon, kag mga dapat atipanon, ginpadayun ang pagsulat agud nga mangin instrumento sa pagpaathag, pagpasanag kag paghatag sang atensyon sa mga bagay nga mapuslanon.
Gintalakay naton ang madulom nga circumferential road gikan sa uhong sa Jaro tubtub sa coastal road sa Balabago, Jaro, kag sang ulihi nagmadinalag-on kita bangod nga ang mga poste nga madugay na nga wala nagasiga ang nahatagan sang suplay sang kuryente kag masanag na ang pagbiyahe kon gab-i.
Kabay nga magapadayun kita sa pagduso sang mga adbokasiya nga para sa benepisyo sang tanan. Sa anuman nga palaagyan, kita sa gihapon ang mangin kaupod kag kabahin sa sini nga hilikuton.
Lubos ang akon ang pagpasalamat sa tanan nga mga personalidad sang Panay Balita sa paghatag sa akon sang higayon nga mabalhag ang akon panugdaon./PB
[/av_textblock]
[/av_one_full]
