[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Sikyu patay sa aksidente’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Saturday, May 6, 2017
[/av_textblock]
[av_textblock size=” font_color=” color=”]
Syudad sang BACOLOD – Patay ang sikyu sa aksidente sa national highway sang Brgy. Zone 15, Syudad sang Talisay, Negros Occidental alas-tres sang hapon kahapon.
Ginkilala ni Superintendent Adonis Rosales, hepe sang Talisay City PNP, ang biktima nga si Hernando Pelecio Tinogan, 42, kag naga-istar sa norte nga bahin sang probinsya.
Si Tinogan ang nakilala man nga security guard sa idalom sang Habagat Security Services.
Base sa imbestigasyon sang kapulisan, nag-overtake ang naga-motorsiklo nga biktima sa isa ka salakyan sa Brgy. Zone 15 pauli sa norte sang naalang-alang ini sa salakyan nga iya ginsundan kag naglikaw ini apang nagtupa sa buho. Nagtabog man sia kag nagbunggo sa kahoy nga gintunaan sang iya patal nga pilas sa ulo kag gilayon nga kamatayon.
Sa pihak nga bahin, sang Huwebes sang gab-i, may duha man ka motorsiklo nga nagbunggoanay sa highway sang kalye Mabini, Brgy. Bubog sa amo man nga syudad.
Ang una nga motorsiklo ginamaneho ni Armando Juaniza, Jr., 25, sang Brgy. Zone 10 sang amo nga syudad kag angkas nga si Louie Peruelo, Jr., 21, taga-Brgy. Vista Alegre, Syudad sang Bacolod.
Mapadulong sila sa Syudad sang Bacolod sang makabunggo sa island garden kag ang nagasunod sa ila nga motorsiklo nga ginamaneho ni Rowen Rizaga, 34, natumba man.
Ang tatlo ka mga biktima gindala sang Radiant Rescue Team sang Syudad sang Talisay sa Corazon Locsin Montelibano Memorial Regional Hospital agud madapatan sang pagbulong./PB
[/av_textblock]
[/av_one_full]
