[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Sin-o ang nagpatay sa TESDA instructor sa Talisay? ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Wala pa gid sang klaro kon sin-o ang nagtiro-patay sa instructor sang Technical Education and Skills Development Authority (TESDA) sa Barangay Zone 12, Syudad sang Talisay, Negros Occidental mga alas- cinco sang hapon sang Lunes.
Nagasalangisag pa subong ang Talisay City PNP kon sin-o ang nagtiro kay Elias Redel, 57, kag taga-Carmel Homes Subdivision, Brgy. Zone 12.
Wala pa man sang nakuha nga lead ang mga pulis sa idalom ni Superintendent Adonis Rosales sa ila pag-imbestigar sa Technological University of the Philippines sa Syudad sang Talisay kon sa diin nagatudlo ang biktima sang welding sa mga estudyante.
Sandig sa report, nagapungko si Redel samtang nagabasa sang dyaryo agud maghulat sang iya tuka sa pagpagunting sang hinali lang sia ginluthang sang wala makilala nga suspek.
Sunu sa manog-gunting nga si Joel Alviar, wala gid nila mamulalungan ang suspek bangod sang ila pagkaran-karan kag pagpalagyo.
Ginpahayag pa nga ang suspek kaswal lang dayon nga naglakat halin sa eksena sang krimen.
Naigu naman ang biktima sa wala nga mata nga naglapos sa iya tuo nga dulunggan. Dead-on-arrival sia sa Dr. Pablo O. Torre Memorial Hospital.
Narekober naman sang kapulisan sa lugar ang isa ka basiyo kag isa ka bala sang kalibre .45.
Samtang, sunu sa mga nakakilala kay Redel, maayo ini nga tawo kag wala sang kontra subong man bisyo, wala man naga-inom ukon nagapanigarilyo kag husto lang magpakuribong sa ila balay.
Sunu sa kapulisan, posible may daku nga kaakig ang suspek kag may tuyo gid nga patyon ang biktima. Samtang ginasulat ini nga balita, padayun pa ang pag-usisa diri sang mga otoridad./H
[/av_textblock]
[/av_one_full]
