[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’SOLTERO GINPATAY SANG RIDING-IN-TANDEM’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Liwat naman nga nagsalakay ang riding-in-tandem kon sa diin ila gintiro-patay ang soltero sa Barangay Gustilo, distrito sang La Paz alas-7:20 sang gab-i sang Miyerkoles.
Ginbawian sang kabuhi samtang ginabulong sa West Visayas State University Medical Center ang biktima nga si Wensher Caravana y Francisco, 20, residente sang Brgy. Gustilo, La Paz. Nakaagom ini sang mga pilas sa tiyan, liog, nawong, likod, kag abaga tuga sang .9mm pistol.
Sandig sa imbestigasyon sang La Paz PNP, nagapungko sa higad sang karsada ang biktima sang naglabay ang mga suspek nga sakay sa motorsiklo kag ginpaarakan ini tiro.
Sunu pa sa kapulisan nga nagtinguha pa kontani ang biktima nga magpanago sa mga bato malapit sa ila puloy-an pero wala gid sia nakaluwas sa mga patal nga igu sang pusil.
Nagpalagyo dayon ang mga suspek sang nakit-an nga napurohan ang biktima.
Samtang, lubos ang pagtalangison sang amay sang biktima nga si Sherwin sang natukiban nga gintiro-patay ang iya bata.
Sunu sa amay nga wala man sia sang nabal-an nga kontra ang iya bata nga mahimu tiruhon ini kag sadtong mga tinion nga natabo ang krimen, ginsiling niya nga nagapahuway gid lamang sa gwa sang karsada ang iya bata.
Kaangay ni Sherwin, wala pa man sang matul-id nga motibo ang La Paz PNP sa pagpatay sa biktima bangod nga tuyo pa lang nila nga kuhaon ang kopya sang closed-circuit television camera sa lugar kahapon.
Wala pa man ma-determinar sang La Paz PNP kon bala naga-gamit ukon nagabaligya sang droga ang biktima./PB
[/av_textblock]
[/av_one_full]
