[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’SOLTERO GINTIRO SA SMALLVILLE ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Patay ang 24-anyos nga soltero nga gintiro samtang nagalakat sa Smallville Complex sa distrito sang Mandurriao diri alas-5:35 sang aga kahapon.
Ginbawian sang kabuhi samtang ginabulong sa Iloilo Doctors’ Hospital ang biktima nga si Remier Tan, residente sang Lawaan Village, distrito sang Jaro, bangod sang naagom nga pilas sa ulo kag iban pa nga bahin sang lawas.
Sandig sa imbestigasyon ni Chief Inspector Juvy Navales, hepe sang Mandurriao PNP, nagalakat si Tan sa sulod sang entertainment complex sang gin-ipingan sang salakyan nga duag puti kag hinali lang gintiro sang isa ka persona nga nagasakay diri.
Antes naman ang krimen, gina-alegar sang testigo nga may nagluntad nga pagbaisay sa tunga sang biktima kag grupo sang suspek.
“Daw suya-suya, daw triping lang. Pagkatapos sang suya amo to nga may pagbais-bais nga natabu. Tapos amo to nagbalik ang ina nga salakyan tapos gintiro ya to,” siling ni Navales.
Matapos gintiro, dayon man paburhot sang salakyan pagwa sa Smallville. Pero nakuhaan sang footage sang closed-circuit television camera ang pagpalagyo sini rason nga nakuha sang mga pulis ang deskripsyon sang salakyan tubtob natukiban ang gina-istaran sang ginatudlo suspek nga si Vanlen Jyro Joseph Hulleza, 22, sang Brgy. Sambag, Jaro rason nga gindakop ini.
Antes naman gindakop si Hulleza, gina-alegar man ni Navales nga tuyo nga magpamalabag ang tatlo ka mga himata sini nga sanday Med-Reach Luable, 25, sang Brgy. Gines, Janiuay; Mario Pamposa, 54; kag Marben Ferrer, 28, lunsay residente sang Brgy. Sambag, Jaro rason nga gin-aresto man sila bangod sang obstruction of justice.
Gintinguhaan man sang mga katapo sang media nga kuhaon ang bahin sang suspek pero nagpamalibad ini sa pag-atubang kag ginhambal nga wala sia sang labot sa krimen.
Sa karon, ginapreparar na sang kapulisan ang kaso nga murder kontra sa suspek nga priso na sa karsel sang Mandurriao PNP./PB
[/av_textblock]
[/av_one_full]