[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’SOLUSYONAN, INDI PAGDABUKAN’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Roberto ‘Bert’ Ladera
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 19, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Tion na nga hatagan sang maathag nga atensyon sang city government kon ano ang dapat kag angay sa plaza sang Jaro.
Kahibalo ang tanan nga nagatuhaw ang kontrobersiya sa tagsa ka tuig ilabi na kon nagahilapit ang kapiyestahan sa distrito sang Jaro.
Mabudlay bungkagon ang mga tawo nga sadto pa nagbenepisyo sa kahiwatan kag indi makabiya sa mga ganar nga ila naaguman.
Makabulungol na magpamati sa mga kontrobersiya nga nagaluntad sa pagdumala sang Association of Barangay Captains (ABC) sa distrito sang Jaro. Nagasinggit ang iban sa mga kapitanes nga wala sang dagta ang ila pagdumala apang may mga tawo sa palibot nila nga nagapangyam-id kon mabatian ang ila mga hambalanon.
Namantsahan na ang ila asosasyon sa pila ka mga hitabu kag kontrobersiya. May mga alegasyon nga nagabaton sila sang pahamham gikan sa mga naga-operate sang peryahan. May pasuni nga nagaganar sila sa arkabala sang mga nagabaligya sa gwa kag sulod sang plaza. May yara sadto sang mga nagapangkontrata sa nagabaligya agud nga hilway ang ila paghumlad sang ila mga produkto.
Ginkamasaan nila ang plaza, ginhimu nila nga merkado. Wala man untat ang pagpakaayo sang nawong sang plaza, masami nga ginapanami, ginaponehan, ginatamnan kag ginapatubo ang tanom nga ginalasak sang mga nagagamit sang plaza.
Nagasinggitan ang Barangay Benedicto, Jaro nga sakop nila ang plaza kag ang tanan nga hilikuton ang dapat may permiso sa ila.
Dapat na ini nga talupangdon sang city government, patun-an sa city legal office kon ano ang poder kag limitasyon sa poder sang Barangay Benedicto kag kon dapat nga wala na sila sang gahum kundi dapat yara na sa city government agud nga wala na sang baisay kag konplikto nga magaluntad.
Tubtob may nagapahari-hari sa distrito sang Jaro, tubtob may yara sang poderoso sa Jaro Plaza, ang kahiwatan sa tagsa ka tuig ang mapun-an sa gihapon sang garot kag kontrobersiya.
Dapat magdihon na sang maathag nga polisiya ukon patakaran kag pabakuron paagi sa ordinansa kon paano gamiton ang plaza sa tagsa ka may kahiwatan, sa tagsa ka nagahilapit ang piyesta kag kon ano ang puede nga ipahamtang sa sulod sang plaza nga indi mapunaw ang ispiritu sang piyesta.
Dapat nga panason na sa pang-ino-ino sang ABC sa Jaro nga ang piyesta indi higayon nga sila ang makaganar kundi higayon nga makaserbisyo, higayon nga mapapag-on ang ila pagtuo sa ila patron.
Dapat nga magbulig ang tanan sa pagbalay sang husto nga polisiya kag indi pag-ipaagi sa pagpamahog ukon sa pagsinda paagi sa legalidad.
Wala sang may nagamonopoliya sang kaalam, wala sang may nagamonopoliya sang maayo nag ideya, ang tanan ginapasad paagi sa konsultasyon.
Kabay nga mangin katapusan na ini nga tion nga ang plaza sang Jaro magalinong na gikan sa kontrobersiya, kabay nga mapahamtang na sa husto nga perspektibo kag magiyahan ang mga nagapalibot nga mga opisyales sang dapat nga pagahimuon.
Nagapanaghoy ang Jaro plaza sang solusyon, indi niya luyag nga may yara sang pagakondenahon kag nagalikaw sia sa mga nagadabok nga magasunog sa mga balatyagon kag relasyon./PB
[/av_textblock]
[/av_one_full]
