[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Sta. Barbara, yara sa state of calamity’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Bangod sang pagsaka sang kaso sang dengue sa banwa sang Sta. Barbara, Iloilo, nagdesisyon ang Sangguniang Bayan (SB) nga mag-deklarar sang state of calamity.
Kadungan sang ilaginpatigayon nga special session sadtong Biyernes, gin-deklarar sang SB sang Sta. Barbara nga yara sa state of calamity ang banwa kasunod sang dengue outbreak.
Sa interbyu sang HUBLAS kay Mayor Dennis Superficial sang Sta. Barbara, sandig sa ginhatag nga draft sang Provincial Health Office (PHO) sa iya banwa angut sa kaso sang dengue, gin-rekomendar sang Municipal Disaster Risk Reduction Management Council (MDRRMC) sa SB nga i-deklarar nga yara sa state of calamity ang ila banwa.
Sa rekord sang PHO, ang Sta. Barbara ang may pinaka-madamo nga kaso sang dengue sa probinsya nga naglab-ot sa 715 na kag may tatlo na ka patay.
Samtang, kasunod sang pagpa-idalom sa state of calamity sa Sta. Barbara, nagbakal na sila sang mga bulong para gamiton sa pag-spray kontra sa mga lamok.Ang pundo nga ini naghalin sa Quick Response Fund sang MDRRMC.
“Naka-mobilize na kami sang amon nga disaster fund, mabakal kami sang spray (larvaecide) sa mosquitoes,” hambal ni Superficial.
Ining tikang sang Sta. Barbara kasunod man sang panawagan sang PHO nga mag-deklarar nasila sang dengue outbreak para nga maka-deklarar man ang probinsya sang state of calamity.
Paagi sini, puede na nga magamit ang calamity fund sang probinsya kag makabakal sang mga bulong kag kagamitan para matapna ang paglapta sang mga lamok nga nagadala sang dengue.
“Gina-advice ta lang ang aton municipality kag atong mga kabarangayan nga mag-declare na sila kay may ara kita 200 ka mga barangay nga may cases. So, may mga advices na kita sa ila nga mag-declare sang state of calamity in the local,” hambal sadto ni Dr. Socorro Colmenares-Quiñon.
Sa rekord sang PHO, ang 12 ka mga banwa kag isa ka syudad nga naga-panguna sa kaso sang dengue amo ang Sta. Barbara, Calinog – 370 kag isa ang patay, Sara – 352, Pavia – 316, Pototan – 287, Cabatuan – 280, Miag-ao – 279, Estancia – 278 kag isa ang patay, Oton – 255, Alimodian – 198 kag isa ang patay, Leon – 197, kag Syudad sang Passi – 193./H
[/av_textblock]
[/av_one_full]
