[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Sub-group leader sang Prevendido group naghikog ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Makaligad ang apat ka adlaw nga pagtinir sa sulod sang prisohan kasunod sang iya pag-hostage sa anum ka bulan nga lapsag, naghikog ang bana sang isa ka barangay kapitan paagi sa pagbitay sang iya kaugalingon gamit ang habol.
Alas-5:40 sang aga kahapon sang nasapwan sang duty jailer sang San Isidro Police Station sa General Santos City nga nagapungha-pungha na sa sulod sang kasilyas ang arestado nga si Rasty Jablo, bana ni kapitan Noemi sang Brgy. Desamparados, Jaro kag ginapasuni man nga sub-group leader sang Prevendido group.
Gindala pa ini sa ospital apang pag-abot sang alas-6:44 sa aga, ginbawian ini sang kabuhi.
Ginkumpirmar naman mismo ni Chief Inspector Jover Antonio sang San Isidro Police Station nga nagtaliwan na si Jablo matapos nga naghikog.
“Kanina po mga around 5:40, nakita po sia ng ating duty jailer na naka-hang doon sa CR. So, kaagad po humingi sia ng assistance sa ating personnel at tumawag tayo ng rescue team para madala siya sa hospital,” kumpirmasyon ni Antonio.
Ulihi nga nakit-an nga buhi si Jablo alas-5:30 sang aga apang makaligad ang 10 ka minutos, nagsulod ini sa kasilyas kag wala na makagwa tubtob nga nag-inspeksyon ang duty jailer kag nasapwan na lang ini.
Ginsugid man sang pamilya Jablo sa interbyu sang mga katapo sang media nga sang nagbisita sila sa arestado sa prisohan, nakamuno ini nga hulaton na lamang ang iya bangkay pero wala man ini ginsapak ni kapitan Jablo kag sang ila apat ka kabataan.
Sadtong sang Sabado sang nagbiya sa Iloilo padulong sa General Santos City ang pamilya ni Jablo kag sang Domingo, una nga nag-istoryahanay ang magpamilya sa Station 4 sang General Santos City Police Office.
Nahibaluan nga may nerbyos na ang arestado kasunod man sang madamo nga mga problema sini kaangay na lang sang paglagas sang mga otoridad sa iya bangod nga ginakabig sia sang Philippine Drug Enforcement Agency 6 (PDEA 6) nga sub-group leader sang Prevendido group.
“Matagal na yan na monitor ng intelligence (group) na sub-group (leader) siya,” siling ni PDEA-6 assistant Regional Director Levi Ortiz.
Ginakabig man si Jablo nga high-value target level 1.
Napriso sia sa General Santos City matapos nga nang-hostage sang anum ka bulan nga lapsag sadtong Nob. 18.
Tuyo sang pang-hostage ni Jablo nga ibulgar sa media nga ang nagpatay sa iya manghod nga si Carcar Jablo sadtong Oktubre amo ang grupo sang Prevendido.
Sa madumdoman, sadtong Nob. 4, ginsalakay sang Criminal Investigation and Detection Group 6 (CIDG 6) ang balay ni Jablo sa Sitio Little Janiuay, Brgy. Cubay, Jaro.
Bitbit ang search warrant sa pagbayolar sang Republic Act 10591 ukon Comprehensive Laws on Firearms and Ammunitions Regulation Act, gin-raid sang CIDG-6 ang balay kon sa diin narekober nila ang caliber .38, caliber .45 kag apat ka mga bala.
Pero wala na didto si Jablo kon sa diin nagbakasyon sa General Santos City./PB
[/av_textblock]
[/av_one_full]
