[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Suspek nga naglugos sa 7-anyos nga bata, tiklo’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Monday, March 27, 2017
[/av_textblock]
[av_textblock size=” font_color=” color=”]
Syudad sang ILOILO – Makaligad ang inoras nga pagpanago matapos nga gin-abduct kag gin-alegar ginlugos ang pito ka tuig nga bata nga babae sadtong Biyernes sang gab-i, nahulog gid man sa mga kamot sang mga otoridad ang suspetsado.
Pasado alas-siete sang Sabado sang gab-i, nadakpan sang barangay tanod sang Brgy. Cagbang, Oton, Iloilo ang suspek nga si Noel Salarda alyas Dagol, 31, naga-obra sang palupok sa Villa, Arevalo kag naka-agi man obra bilang manogbubod sang manok ni Marque “Boboy” Acap sa Brgy. Cagbang.
Sa nahibaluan nga si Acap ang ginhingadlan sang Philippine Drug Enforcement Agency 6 nga drug personality.
Gin-turnover man dayon sang tanod sa Oton PNP ang suspek nga amo naman ang nagpahibalo sa Tigbauan PNP rason nga alas-otso sang gab-i, gindala ini sa Tigbauan PNP.
Sa interbyu kay Salarda sang mga katapo sang media, hugot sini nga ginpanginwala nga ginhimuslan niya ang grade 1 pupil sang isa ka barangay sa Tigbauan.
Pero gin-aku sini nga ginhakwat niya ang nagakatulog nga si alyas Nene halin sa tupad sang iloy sini kag gindala sa kamalig sa Brgy. Dorong-an, Tigbauan. Sunu pa sa iya nga gin-ubahan niya ang bata apang wala niya gintandog, kundi gintulok lang niya.
Posible man, sunu sa iya, nga nakabunggo sa kawayan ang baba sang bata rason nga nagbanog baliskad sa alegasyon nga ginsumbag niya ini.
Matandaan nga nakibot na lamang ang iloy sang biktima nga gintaban sang suspek ang iya bata samtang nagakatulog sa ila balay rason nga nagpangayo sia sang bulig sa ila mga kasilingan.
Pero madasig ang pagpalagyo sang suspek rason nga wala nila maabtan tubtob nga nagpauli nga hublas nga nagahilibion ang bata sa ila balay pasado ala-una na sang kaagahon.
Narekober man sang mga residente ang panty, short kag ginapatihan brief sang suspetsado sa payag kon sa diin sini ginapasuni ginhimuslan ang bata.
Para matul-id naman ang ginasugid sang bata, ginpa-idalom ini sa medical nag eksaminasyon kag subong pa nga adlaw mabal-an ang resulta.
Samtang ginseperar naman ang prisohan sang suspek sang Tigbauan PNP sa kahangawa nga sakiton ukon kastiguhon ini sang iban nga mga priso./PB
[/av_textblock]
[/av_one_full]
