[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Sweldo sang mga taga-kapitolyo ginpasakaan’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginkalipay sang mga empleyado sang kapitolyo probinsyal sang Iloilo ang gin-anunsyo sang gobernador nga ipatuman na ang salary increase sandig sa Executive Order 201, Series of 2015 kag Local Budget Circular 108.
Gin-anunsyo ni Gob. Arthur Defensor Sr. ang maayo nga balita kadungan sang flag ceremony sang Lunes. Siling sini nga masugod ang pagsaka sang sweldo sang mga regular kag plantilya nga empleyado sa bulan sang Oktubre.
Bangod naman sini, lauman nga magasapol ang Local Finance Committee para magdihon sang pinal nga pagsulondan sa pagsaka sang sweldo nga aprubahan pa sang gobernador.
Pagkatapos sini, i-sumiter ang supplemental budget sa Sangguniang Panlalawigan para sa aprubal.
Ining desisyon sang gobernador nga ipatuman ang saka sang sweldo kasunod sang pagpatuman sini sang iban nga mga lokal nga pangulohan kaangay sang Aklan kag Cebu nga nagsugod sadtong Enero pa.
Matandaan nga naghimu sang referendum ang kapitolyo sa mga empleyado para kuhaon ang ila sentimiento sa Executive Order No. 201 ukon Salary Standardization Law (SSL) 4.
Sa idalom sang SSL-4, ang empleyado nga may mataas nga posisyon makakuha sang daku nga saka samtang ang manubo nga posisyon may manubo man nga saka sa sweldo.
Halimbawa sini amo nga ang may Salary Grade 1 nga nagabaton P9,000 kada bulang ang makabaton sang P478 nga saka sa sweldo samtang ang mga department heads nga may Salary Grade 26 nga nagabaton P58,028 nga sweldo kada bulan ang makabaton sang dugang nga P9,662./H
[/av_textblock]
[/av_one_full]
