[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Tigulang dakop sa paghimulos’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=”]
Monday, March 27, 2017
[/av_textblock]
[av_textblock size=” font_color=” color=”]
Syudad sang BACOLOD – Arestado ang 78-anyos nga balo sa kaso nga paghimulos kag paglubag sang RA 7610 mga alas-12:15 sa hapon sang Sabado sa Purok Riverside, Barangay Banago diri.
Ang suspek nga si Erineo Tolentino sang Purok Lilang, Brgy. Banago, gindakop sang mga katapo sang Police Station 3 sa pagpamuno ni Senior Inspector Larry Teovisio paagi sa sa duha ka warrants of arrest nga ginpapanaog ni Judge Ray Drilon sang Regional Trial Court, Branch 41 sa Syudad sang Bacolod nga may petsa Oktubre 18, 2016.
Ang korte nagrekomendar sang piyansa nga P120,000 sa kaso nga paghimulos kag P200,00 naman sa paglubag sang RA 7610 ukon Special Protection of Children Against Abuse, Exploitation and Discrimination Act.
Priso na subong ang suspek sa Police Station 3 bangod nalugaw-an nga makapiyansa.
Ginahulat man ang iya commitment order gikan sa korte agud iliton sia sa Bureau of Jail Management and Penology.
Sa pihak nga bahin, patay na sang nasapwan ang isa man ka tigulang sa Syudad sang San Carlos, Negros Occidental sang tinalikdan nga Biyernes.
Si Reynaldo Ducay, 70, may asawa kag naga-istar sa kalye Ylagan sakop sang Brgy. 5 sa amo nga syudad, nasapwan sang iya mga himta nga patay na sa ila balay mga alas-dos sang hapon.
Sunu kay Supt. Arturo Fullero, hepe sang San Carlos City PNP, gintiro sang biktima ang iya ulo gamit ang kalibre .38 nga nakuha man sa iya sini tupad.
Wala na makaabot nga buhi ang biktima sa San Carlos City Hospital.
Sunu pasa imbestigasyon, ang biktima nag-angkon sang tuman nga depresyon bangod sa problema sa iya pamilya./PB
[/av_textblock]
[/av_one_full]
