[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Traysikol nabunggoan sang jeep, 3 patay ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Cyrus M. Garde
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang BACOLOD – Napatay ang maestra, estudyante kag drayber sang traysikol matapos ginbunggoan sila sang de-pasahero nga jeep sa national highway sa Mabinay Road sakop sang Brgy. 9, Syudad sang Kabankalan, Negros Occidental.
Ginkilala ni Superintendent Rhea Santos, hepe sang Kabankalan City PNP, ang mga biktima nga sanday:
* Edgar Capinig, 56, may asawa, tumandok sang Masbate kag naga-istar na karon sa Brgy. 5 sa amo nga syudad, kag drayber sang traysikol;
* Liezel Garzula, 41, may bana, taga-Brgy. Camingawan kag maestra sa Central Philippine State University (CPSU) kag
* Roselle Bartolome, 20, dalaga, residente sang Brgy. Tampalon, kag estudyante sang CPSU.
Sunu sa imbestigasyon sang mga pulis, madasig ang dalagan sang jeep nga ginadala ni Fernando Mahilum, 35, sang Kalye Rojas sa Brgy. Camingawan.
Mapadulong ang jeep sa norte sang syudad pero nag-overtake ini sa ginasundan nga traysikol sang mga biktima. Sang hinali lang nagliko ang traysikol sa wala kag nabunggoan ini sang jeep
mga alas-5:50 sa hapon sang nagligad nga Miyerkoles.
Nagtabog si Capinig kag napilpilan naman ang maestra kag estudyante. Sunu pa sa Kabankalan City PNP nga gilayon nga napatay ang drayber.
Sanday Garzula kag Bartolome naman gindala pa sa Lorenzo Zayco District Hospital apang ginbawian sang kabuhi antes pa madapatan sang pagbulong ni Dr. Dexter John Lopez.
Sunu sa mga pasahero sang jeep, madasig ang pagmaneho ni Mahilum nga napriso na subong kag ginpasakaan na sang kaso nga reckless imprudence resulting to multiple homicide./PB
[/av_textblock]
[/av_one_full]
