GINALANTAW sang mga siyentipiko nga ang giyera sa palaabuton amo ang pag-away para sa tubig.
Bangud sa climate change kag padayon nga pagdamo sang populasyon, ang tubig mangin maiwat.
Ginapatihan sang mga manugpanalawsaw nga may 75 percent tubtub 90 percent nga magaluntad ang ‘water wars’ sa masunod nga 100 ka tuig.
Natumod ang lima ka mga hotspots sa posible pagluntad sang konplikto.
Sa tanan nga mga lugar nga may mga pungsod nga nagaambit sang “body of water” kaangay sang Ganges-Brahmaputra nga ang tubig naga-ilig sa Bangladesh kag India; ang suba sang Nile nga naga-ilig sa mga pungsod sa Africa; ang Indus nga, suno sa World Bank, nga may water treaty sa tunga sang India kag Pakistan nga naga-igsister apang may tensyon nga nagapabilin; ang Tigris-Euphrates nga naga-ilig sa Turkey, Syria, Iraq, Iran kag Kuwait; kag ang Colorado river nga naga-ilig sa United States kag sa Mexico.
Ang kakulang sang tubig magapalala sa nagapabilin na karon nga tensyon kag magatuga sang kalakasan sa sosyudad. (bertladera@gmail.com/PN)
