[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’CAMPEON SANG HILIGAYNON | UNA NGA GUGMA SA JAPONES’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”][/av_heading]
[av_textblock size=” font_color=’custom’ color=”]
Saturday, April 1, 2017
[/av_textblock]
[av_textblock size=” font_color=” color=”]
Kon indi ikaw —
Ano ang ginabalikan ko
Sa Mayo sang 1990? (#855)
Japones ka, maambong —
Indi baka, indi putut,
Indi mapintas nga soldado. (#856)
Japones ka, maalwan —
Ginhatag mo sa akon ang tanan;
Pati ang bilug nga gab-i. (#857)
Sa imo hulut —
Sa pila lamang ka horas,
Napat-ud ko nga ikaw na. (#858)
Sa imo hiligdaan —
Naghibi kita sa nagahilapit
Nga kaagahon. (#859)
Sa imo hulut —
Ginsaulu ko ang tanan
Nga luyag mo; pati si Vivien Leigh
Sa “Gone with the Wind”. (#860)
Sa imo hiligdaan —
Ginsaysay mo ang imo pagkadtu
Sa Universal Studios, ang imo
Pagsakay sa “Back to the Future”. (#861)
Sa kaagahon —
Naghalukay kita; sarikwaul,
Bangud mga bata pa kita. (#862)
Haluk sa kaagahon —
Sarikwaul; bangud soltero ka,
Soltero man ako. (#863)
Sa kasanag sang adlaw —
Nagpasiplatanay lang kita;
Uyatay sang kamut
Sa idalum sang lamesa. (#864)
Apat ka gab-i sang Mayo —
Sa inyo balay, dumuluaw ako;
Foster brother ko ikaw. (#865)
Tatlo ka adlaw sang Mayo —
Ginpakita mo sa akon ang Japan;
Ginpangilala mo ako. (#866)
“Back to the Future” —
1998, sa Los Angeles,
Sa Universal Studios,
Gindumdum ko ikaw. (#867)
“Gone with the Wind” —
Pinakauna nga DVD sa linibo
Nga ginbakal, kag gincolecta ko. (#868)
Scarlett O’ Hara —
Para sa imo, kuntani, Kasahara man
Ang apellido ko. (#869)
Gone with the Wind —
Bangud gusto mo si Vivien Leigh,
Kon kaisa, feeling ko, ako
Si Scarlett O’ Hara. (#870)
[/av_textblock]
[/av_one_full]
