[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Utod ni Ricky Serenio gintiro-patay’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=”]
Tuesday, April 11, 2017
[/av_textblock]
[av_textblock size=” font_color=” color=”]
Syudad sang BACOLOD – Patay ang manghod ni Ricky Serenio sang gintiro sang tatlo ka mga suspek samtang nagabakal ini sang sorbete kag naga-inom kaupod ang apat niya ka mga abyan pasado alas-12 kahapon sang kaagahon sa Purok Sampaguita 1, Brgy. Singcang-Airport diri.
Ginkilala ang biktima nga si Wilmar Serenio, 31, kag residente sang nasambit nga lugar. May anum ka mga pilas ini sa tiyan kag ulo gikan sa kalibre.45 nga pusil, sunu kay Senior Inspector Wilfredo Denoman, hepe sang Police Station 8.
Ginhingagaw pa ini dala sa Corazon Locsin Montelibano Memorial Regional Hospital apang ginbawian sang iya kabuhi mga alas-dos y medya sang kaagahon kahapon.
Sunu sa pagpahayag, tatlo ang nanaog gikan sa puti nga Adventure nga salakyan nga wala plate number sa diin nagasuksok sang bonnets ang mga ini kag gintiro si Wilmar apang wala ini maigu. Nalagyo ini gilayon apang ginlagas pa sang mga suspek kag gintiro sang pila ka beses.
Sunu pa sa kapulisan nga ang kamatayon sang manghod ni Ricky Serenio nga ginapahayag bagman sang Berya Group Drug Syndicate sa idalom ni Berya Tolentino ang bangod sang iya pagtudlo sa pila ka mga pulis nga nagabaton sang drug payola.
Sa pagpakig-angut naman sang media kay Ricky, siling sini nga ang kamatayon sang iya utod pagsugod lamang sang madugo pa gid nga pagtimalos nga iya himuon kag sunu sa iya kon ang iya utod ginpatay, utod man kag anak sang iya gintudlo nga suspek ang baylo.
Ginhingadlan pa ni Ricky nga ang may padihot sini tanan amo ang ginkilala niya kay Efren Villanez nga asset sang pulis nga nagapangkaayo sang mga armas.
Dugang pa ni Ricky nga may upod si Efren nga isa ka taga-banwa sang Toboso kag ini ginasuportahan sang colonel sa pulis kag major.
Apang sang gin-interbyu naman si Villanez, ginpangiwala niya ang iya kaangtanan sa amo nga pagtiro kag sunu sa iya ato sia sa sur sang probinsya pila na ka adlaw. Gin-aku naman sini nga asset sia sang pulis apang indi niya mahimu ang pagtiro.
Gin-aku man niya nga sia amo ang importante nga tawo sa kabuhi ni Ricky kon ngaa nadakop ini sa Syudad sang Talisay sang nagliligad nga bulan./PB
[/av_textblock]
[/av_one_full]
