[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Wala presensya sang Maute sa Iloilo – Tuzon’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Saturday, June 3, 2017
[/av_textblock]
[av_textblock size=” font_color=” color=”]
Syudad sang ILOILO – Ginklaro sang Iloilo Police Provincial Office (IPPO) nga wala sang kamatuoran ang nagalapta nga mga text messages nga nakasulod na sa probinsya sang Iloilo ang pila ka mga miembro sang Maute nga amo man subong ang nagasakop sa pila ka porsyon sang Syudad sang Marawi.
Nahibaluan nga nagalapta ang mensahe subong sa text kag sa Facebook messenger nga gina-alegar naghalin sa Iloilo City Police Station 1 (ICPS1) nga ginapa-alerto sini ang mga pumoluyo sa Calinog, Bingawan, mga syudad sang Passi kag Roxas, Lambunao, Pototan, kag Dueñas nga may yara sang pila ka mga miembro sang Maute nga nakasulod sa probinsya.
Sunu sa mensahe: “Crizy3 <+63 946 859 3699>, Message forwarded by ICPO-PP1 – <+63 912 897 0809>, <+63 927 987 5996>
Gina pa alerto, ang tanan nga mga pumuluyo sang Banwa sang CALINOG, BINGAWAN, Syudad sang PASSI, ROXAS, LAMBUNAO, POTOTAN, DUEÑAS kag iban nga kalapit banwa nga may ara nga pila ka mga myembro sang MAUTE GROUP nga naka sulod sa Probinsya sang Iloilo. Subung karon wala pa ma tukiban kung sa diin ini sila ga panago. Ang ulihi nga balita nga yara sila sa kabukiran sang Tapas kag katung-anan sang Baryo sang Cabatangan. Palihog mangin alerto kung may ara nga maka duluda nga tawo sa inyo lugar lihog report sa sini nga numero : 0912-897-0809.”
Sunu kay Senior Supt. Harold Tuzon, director sang IPPO, wala sia nakabaton sang nasambit nga mensahe kag wala man sang dapat nga kabalak-an ang mga pumoluyo bangod nga wala pa sila sang no-monitor nga miembro sang Maute nga nakasulod sa Rehiyon 6.
Pero wala nagakahulogan ini nga nagapabaya ang IPPO bangod nga padayun ang ila pag-alerto kasunod man sang pagdeklarar ni Presidente Rodrigo Duterte sang martial law sa Mindanao.
“We had to validate sang information na yan pero in the meantime we have alerted our all police stations,” hambal ni Tuzon.
Luwas kay Tuzon, ginklaro man ni Chief Insp. Aldren Lamera, hepe sang ICPS1, nga indi sa ila hotline nag-gikan ang mensahe kag posible nga kahimuan ini sang gusto nga mangsabotahe.
Handa man si Lamera nga ipasekyar sa National Bureau of Investigation kon sin-o ang nagpalapta sang mensahe.
Kadungan sini, ang Iloilo City Police Office naghatag man sang ila pahayag sa mga katapo sang media angut sa nagalapta nga mensahe:
“This is in line with the reports roaming that Maute Group are already here in Iloilo City and areas of Iloilo Province. Be informed that as of this press time, we have NO VALIDATED INFORMATION regarding the presence of the said armed groups.”
Naga-apelar man sila sa publiko nga mangin mabinantayon kag magbulig sa paghinyo sa mga netizens nga dumilian ang pag-post kag pagpalapta sang wala sang kamatuoran nga impormasyon.
Magdangop man sa ila opisina kon makabaton sang kasubong nga impormasyon para mabal-an kon sin-o ang nagapalapta sini./PB
[/av_textblock]
[/av_one_full]
