What qualities are you looking for in a Sangguniang Kabataan (SK) officer? Why?
Ang gusto ko sa SK officer responsable, ginapamatian ang tingog sang kabataan, active sa mga activities sang kabataan kag indi dapat corrupt. Amo na gusto ko nga qualities para mahagan-hagan ang katuntuhan sang kabataan kag para may pulos man ang sweldo sang gobyerno. – MERRY CHRIS SOQUEÑO, 26, accounting clerk, F&C Jewelry
Hmmm… I want a leader who functions for the greater good and promotes social welfare. I also want a leader who runs for positive impact in society and not just after the salary. Amo na gusto ko para nga may kauswagan man sa barangay ta. – IMIE ROSE PEDROSO, 19, student, West Visayas State University, Pototan Campus
Ang gusto ko ‘ya responsable, may mayo nga prinsipyo, dapat daw may ara gid ya paniniwala kag desisyon bala sa barangay such as mag-implement sang program kag kun may plano gid sya sa barangay, dapat para sa ikaayo sang tanan agud may pag-uswag kag kalinong sa barangay. – AUDREY MARIE S. JUANIZA, 19, student, Pavia National High School
Ang gusto ko first is he/she must know the rule of leadership. Second, an active participant in community and youth affairs in his/her place. Third, must know the basic tenets enshrined in the Constitution as well as the rules and conducts of public officials and employees. These are the qualities I favor because honestly, I have high standards when it comes to leadership. Managing community affairs as a youth is a stepping stone forward. – BRYAN CASAIG, 20, student, West Visayas State University
Para sa akon indi man kinahanglan nga perpekto, may kaya kag famous gid ang isa ka SK official. Kinahanglan sang isa ka barangay ang isa ka SK nga may pagpalangga sa barangay nya kag sa pumuluyo, ara balang may puturo sa kabuhin ‘ya kag may puturo man sa barangay kay kun ikaw ang tawo nga may puturo sa kabuhi, ang mga butang sa palibot mo organisado kag produktibo. – KATHLENE KAYE GABUEN, 19, student, Iloilo State College of Fisheries, Main Pob. Campus, Barotac Nuevo, Iloilo
Ang gusto ko is mapisan, mabuot, mabinuligon kag indi asta lang sa hambal. Dapat himuon nya gid ang ginapanghambal na para wala gamo sa barangay. – MARK JHUDD SINFUEGO, 20, student, Western Institute of Technology
What qualities are you looking for in a Barangay Council officer? Why?
Ang ginapangita ko nga qualities sang isa ka leader sang barangay amo nga indi sila corrupt, masaligan, may kabalaka sa pumuluyo kag may kahadlok sa Diyos agud indi madula ang pagsalig sang mga pumuluyo sa mga opisyal kag sa ulihi maangkon gid ang kalinong kag kauswagan sa barangay. – LUCILYN BRANA, 28, domestic helper, Barangay Buayahun, Santa Barbara, Iloilo
Dapat active in the barangay, mapisan sya, maabtik mag aksyon sa problema sang barangay, kag wala pinilian. Amo ni ang dapat nga mga qualities ka barangay council officer para may kauswagan ang mga barangay. – GLORIA DICIPULO, 55, house wife, Barangay Taytay Zone II, Jaro, Iloilo City
Ang gusto ko sa isa ka konsehal deserving sa pumuluyo, may respeto, masaligan, wala nagapanguna sa sugal ukon bisyo. Dapat mabinuligon kag mahapos palapitan agud mangin mauswag ang barangay kag may kalinong. – MELVIN SOQUEÑO, 51, construction worker, Barangay Balud 1, Zarraga, Iloilo
Ang gusto ko lang amo nga ang mga kagawad indi corrupt, mahapos palapitan kag mabinuligon agud madali mabuligan ang mga pumuluyo kag mahapos masulbar ang problema sa barangay. – LEA MAGNABE, 48, domestic helper, Barangay Guadalupe, Janiuay, Iloilo
Para sa akon dapat ang isa ka opisyal sang barangay may fear of the Lord kag indi mangurakot para mag uswag man ang isa ka barangay. – FRELYN GABASA, 42, pastor, Jesus the Lamb of God Church
Ang manami sa isa ka barangay official amo ang gahimo gid sang iya obligasyo, indi sa tarpaulin-tarpaulin lang kag kun ano pa gid ang atik ya. Ang gapadalagan dapat may dako nga responsibility, indi lang sila puro wakal, dapat ginahimo gid nila. Wala na ya sa padaku-dako tarpaulin, ang importante da ya is handa ka mag serbisyo sa imo nga pumuluyo. Amo na nga mga qualities ang luyag ko para mangin matawhay ang barangay. – ROSARIO SEQUITO, 50, house wife, Barantay San Sebastian, Santa Barbara, Iloilo./PN
***
Compiled by March Gernine Aguacito, intern, West Visayas State University – College of Communication.
