[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Yawat pa ang luxury vehicles nga mausar sang gobyerno ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 8, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
SANG sini lang, ginpadugmok, paagi sa mga bulldozers, ni Presidente Rodrigo ang 30 ka salakyan nga nadakpan sang Customs nga gin-ismogol sa pungsod.
Ginpadugmok ini tanan mismo sa laguerta (yard) sang Customs Manila.
Ang ining mga salakyan nagalakip sang mga sports cars kag iban pa nga luxury vehicles nga, sa pagtantya sang Customs, nagabili sang mga P61.6 ka milyon.
Nagalakip ining mga salakyan sang Jaguar, Lexus, Corvette Stingray, kag mga duha ka dosena pa ka top-end nga German sedans kag Japanese SUVs.
Sa ila kahimtangan, ining 30 ka salakyan wala sing kinalis sa mga scrap metal kay dugmok gid kaayo.
Sa masami, ang na-seize nga mga smuggled goods, gina-impound ini sang Customs kag ginabaligya sa auction, kag ang bili sini ginabalik sa kaban sng gobyerno.
Ugaling, sa sobra seguro nga kaakig sang Presidente, wala na siya nagkanugon sini.
Para sa iya daw gina-tonto lang sa sining mga smuggler ang gobyerno. Man, pagkatapos nga mapalusot nila ining mga salakyan sing barato tungod kay wala mabayaran sing buhis halin sa ila ginhalinan kag wala man diri sa pungsod, baklon man lang nila ini sa auction sing barato nga daku gihapon ang ila ginansya.
Kon amo man lang ini, sa pensar sang Presidente, maayo na lang nga madugmok ini kag himuon scrap kay mapuslan pa sang mga nagabaligya scrap metal, sangsa mabalik ini sa ila kag ma-ginansyahan nila gihapon samtang nagangisi sing may pagyamuhat pa sa gobyerno.
Nahangpan naton ang kaakig sang Presidente. Nga daan dugay na gid kaayo nga gina-tonto kita sining mga smuggler sang salakyan nga mapalusot nila sa pungsod nga may diutay nga gasto. Ukon libre na gid gani kon mapalusot nila sa high seas kag ibagsak sa ila pribado nga mga pier, ukon diin da sa aton malawak nga baybayon sang arkipelago nga indi mabantayan sang aton mga otoridad.
Pero, kon sa akon lang, kuntani ginpensar anay sing madugay ini sang Presidente ang pagdugmok sa sining mga luxury vehicles.
Man puede man ini kuhaon sang gobyerno kag ihatag sa mga upisina nga wala sing salakyan. Magamit pa ini sang pila ka opisyales nga wala salakyan, kag bisan sa pagserbisyo sa mga pumuluyo nga nagakinahanglan sang salakyan sa nagakalain-lain nila nga pagkakinahanglan.
Yawat pa ang magasto naton sa mga salakyan nga baklon pa naton para sa sining mga upisina. Indi bala?
-0-0-0-
Sa isa ka bahin, indi lang seguro magtutok ang aton gobyerno sa pagbantay sa mga gina-ismogol nga mga luxury cars. Madamo pa nga ginapapuslit sang mga smugglers nga mas importante sangsa sining mga luxury vehicles, nga nagapaawas sang kwarta sang pumuluyo paagi sa smuggling,lakip ang pagpasulod kag pagpagwa sang mga bagay nga nagahalit sa pungsod kag sang aton mga pumuluyo.
Luas sa illegal drugs, nga sa karon amo gid ang pinakapintas nga produkto sang mga smuggler, yara man ang human trafficking, ukon pagpuslit sang mga kababaenhan naton agud ibaligya sa mga alputan; ang mga kabataan nga ginabaligya sa mga pedophile; mga matag-as kalibre nga mga armas nga magamit sang mga sindikato kag kaaway sang gobyerno; mga maayo nga mobile phones nga puede ta mahimo diri sa pungsod; kag bisan ang mga exotic animals(katulad sang piranha) kag mahaliton nga mga tanom halin sa iban nga pungsod; mga minerals kag bisan gani ang currency ukon kwarta nga naga-apekto sang aton currency exchange rate sang pungsod; kag bisan gani ang ginasiling nga fake rice.
Tani tutukon man naton sing maayo ang ining mga iban nga bagay,labi na gid ang makahalit sang aton pungsod kag sing mga pumuluyo sini./PB
[/av_textblock]
[/av_one_full]
